Tallo a babbai a pakairamanan ti maysa a konsehal ti ili iti inarestar dagiti kameng ti Philippine National Police (PNP) gapu iti kaso a syndicated estafa seknan iti panaglakwan iti residential property idiay Pampanga.

Segun iti Criminal Investigation and Detection Group (CIDG), naaresto dagiti suspek iti maysa nga operasyon idiay San Fernando City idi Nobyembre 13, 2026, bayat iti maipagarop a panangawat ti P650,000 manipud kadagiti nagreklamo para iti restructuring ti bukod da a Contracts to Sell.

Nangrugi iti imbestigasyon kalpasan a nagreklamo ti sumagmamano a customer a nakabayaden ti dakkel a kantidad para kadagiti nasao a property idiay Panorama Heights ken Kay-Land Residences idiay Mexico, Pampanga.

Nupay kasta, rimwar iti beripikasyon iti Pag-IBIG Fund a ti sumagmamano kadagiti sanikua ket naiyakaren, nailakon, nakasalda, wenno kabilang kadagiti acquired assets

Sumangsango ita dagiti suspek iti kaso a syndicated estafa iti sidong ti Article 315 iti Revised Penal Code, mainaig iti Presidential Decree No. 1689.