Nangipeksa ti Philippine National Police ti kinasaganada a tumulong iti posible nga extradition wenno pannakayakar ni Kingdom of Jesus Christ (KOJC) leader Pastor Apollo Quiboloy iti Estados Unidos.

Segun kenni PBGen. Allen Rae Co, hepe ti Public Information Office (PIO) ti PNP, a no adda pammilin manipud iti korte a tumulong a mangiyakar ken mangsecure iti ipapanaw ni Quiboloy iti airport, aramidenda.

Malagip a nangipaulog ti Makati Regional Trial Court iti extradition arrest warrant ken hold-departure para kenni Quiboloy ken dagiti dua a kaduana nga akusado.

Mainaig daytoy iti reklamo nga International human trafficking, sex trafficking, conspiracy, ken bulk cash smuggling.

immunan nga inwaragawag ti National Bureau of Investigation (NBI) a nakasaganada met a tumulong no bilang ta mayakar ni Quboloy idiay US.