BR LA UNION – Maburibor ti Philippine National Police–Women and Children Protection Center (PNP-WCPC) iti umad-au a kaso ti iligal a panaglakwan ti ubing iti naglabas a bulan.
Innem a kaso ti iligal a panag-ampon iti nailista manipud Enero agingga umuna a paset ti Pebrero, kabilang iti dua a baro a naisalbar a maladaga idiay Angeles City ken Baliwag.
Ti immuna a na-rescue ket maysa a 2-day year old a maladaga a lalaki a ginandat nga ilako online iti ₱30,000 ken naarestar ti ina.
Ti maikadwa a naisalbar, maysa 3-bulan a maladaga a babai a mailaklako iti ₱130,000 ken naarestar ti ina, ikit na, ken lola ti ubing.
Segun kenni Philippine National Police–Women and Children Protection Center chief Brig. Gen. Maria Sheila Portento, iti masansan a rason dagiti matil-tiliw a suspek ket pagkasapolan medikal ken pang-piyansa ti pamilya.
Natalged itan dagiti ubbing ken naiturong da iti National Authority for Child Care.
Dagiti met uppat a suspek ket sumangsango iti kaso a panaglabsing ti human trafficking, child abuse, ken cybercrime.
Impaganetget ni Portento ti peligro dagiti middlemen ken koordinasyon ti PNP iti social media platforms tapno maikkat dagiti iligal nga anunsyo dagiti ubbing.
Nabalakadan pay ti publiko a dumalan iti lehitimo nga ahensya para iti natalged ken legal a panagampon.
