Naarestar idiay Florida, United States ni Thomas Markle, 82-anyos nga ama ni Meghan Markle, gapu iti kaso a panangidulin kadagiti child sexual abuse material, karaman dagiti ladawan a maipagarop a mangipakpakita a kadua na dagiti menor de edad a babbai.
Segun iti Federal Bureau of Investigation (FBI), naarestar ni Markle idi Biyernes, Nobyembre 6, kalpasan iti imbestigasyon ti panagkolekta dagiti maiparit a materyal iti dua nga storage unit idiay Los Angeles, California.
Maibasar iti criminal complaint, nakumpiskar dagiti toridad iti nasurok-kumurang 78 items, karaman dagiti slide, 35-millimeter film negative, ken dagiti libro a naglaon ti child pornography.
Kinuna ni FBI Director Kash Patel, a mapapati a tinarget ni Markle dagiti inosente nga ubbing ken impapilit nga alawen iti kina-inosente da babaen ti kriminal nga aramid.
Manamnama a sumango ni Markle iti korte idiay Tampa, Florida.
Nu mapaneknekan a naglabsing, mabalin isuna a maibalud ti agingga 20 a tawen, segun iti U.S. Department of Justice.
Kabayatanna, inlibakan met ni Markle dagiti alegasyon ken inawagan dagitoy a kinaulbod.
Immunan nga inimbestigaran dagiti otoridad ditoy Pilipinas ni Markle idi napalabas a bulan mainaig iti maipagarop a panangidulin kadagiti ladawan ti child sexual abuse.
Nagwaragawag met ti nakaro a pannakaupay ni Meghan Markle kadagiti alegasyon kontra iti ama na.
