Nag-viral ti video ti maysa a pawikan a nangiduron ken nangtulong iti padana met laeng a pawikan a nabaliktad idi saan a makasubli daytoy iti normalna a posision iti maysa a zoo idiay Nanjing, China.
Makita iti video a paulit-ulit na nga idurduron iti nakabaliktad a kaduana agingga a nakasubli iti normalna a posision.
Nagtipat ken nagcheer met dagiti tao agbuybuya iti naballigi a panibangon.
Sigun kadagiti agtartrabaho iti zoo, gagangay a makasubsubli met laeng dagiti pawikan manipud iti pannakabaliktad, ngem sisasagana dagiti zoo keeper a tumulong no kasapulan.
Gapu iti daytoy a karkarna a pasamak, adu a netizens ti naragsakan ken nangraem iti naimatanganda nga eksena a nagpaut iti 15 a minutos.









