Impatungpal ti Iran ti rotational brownout iti intero a pagilian a nangrugi idi kalman Domingo, Nobiembre 22, kalpasan ti pannakadadael ti kangrunaan nga imprastruktura ti koriente ti pagilian mainaig iti agtultuloy a giyera idiay Middle East.
Segun iti pangulo ti national electricity company ti Iran a ni Mohammad Allahdad, napilitan ti sektor a manglimitar iti panagkonsomu gapu iti nababa a suplay ti krudo ti pagilian.
Kinuna pay ni Allahdad, a manamnama nga agpaut ti outages iti dua nga oras kada dua nga aldaw depende iti lugar wenno rehion.
Ti naisingasing a power rationing ket kasaruno ti naipadamag a joint US-Israeli attack iti energy infrastructure ti pagilian, banag nga ad-adda a nangpakaro iti nakapuy a suplay ti krudo gapu iti agtultuloy a panagsusupiat dagiti nadakamat nga estado.
Nupay pagaammo ti Iran gapu kadagiti natural a gamengna a krudo ken natural a gas, nabayagen a parikut ti pagilian ti panangpennek iti kasapulan a koriente ken enerhia.










