Nangipila ti counter-affidavit ni sigud a Department of the Interior and Local Government (DILG) Secretary ken agdama a Senatorial aspirant Benhur Abalos Jr. iti Department of Justice (DOJ) idi kalman, aldaw ti Biyernes, Nobiyembre 22 tapno kiddawen nga ibasura dagiti criminal ken administrative complaints nga inpila kenkuana ni sigud a Presidente Rodrigo Duterte.
Iti sworn statement ni Abalos, kinunana nga awan ti basaran dagiti reklamo kontra kenkuana ken nalawag a politically motivated dagitoy ken panggep laeng nga i-harass isuna, ken rugitan iti nagan na.
Kinuna, napaay ni Duterte a paneknekan ti reklamo wenno adda ammo anga inaramid dagiti miyembro ti KOJC.
Kinapaysuananna kinunana, saan isuna a criminally liable iti sidong ti doktrina ti command responsibility nu ti rason laeng ket isuna ti sekretaryo ti DILG idi nakaramid ti panaglabsing dagiti miyembro ti kapulisan iti police operation idiay KOJC compound.
Nagtaud ti reklamo kontra kenni Abalos iti naiyuswat a nasurok nga dua a lawas a police operation idi Agosto 24 agingga Setyembre 8 a pannakaiserbi ti arrest warrant kenni Apollo Quiboloy.
Iti kangitingitn ti operasyon ket kinali dagiti otoridad ti maysa nga underground tunnel iti basement ti maysa a pasdek ti uneg ti compound.
Kas administrator ti sanikua ti KOJC, nangipila met ni Ex-Pres. Duterte ti malicious mischief complaint mainaig iti panangdadael ti property ti nasao nga sekta.
