BR LA UNION – Impaganetget ni Senator-elect Francis “Kiko” Pangilinan nga acquittal wenno conviction laeng iti mabalin a pagpilyan ti Senado kas impeachment court maiyannurot iti Konstitusyon.
Inaramid ni Pangilinan iti waragawag kasaruno ti naipadamag a sumagmamano a draft resolution kabilang ti mismo nga inisyatibo ni Sen. Ronald Dela Rosa nga addaan tarigagay nga ibasura iti impeachment case kontra kenni Vice President Sara Duterte gaputi kaawan ti oras iti sidong ti agdama a Kongreso.
Inlawlawag ni Pangilinan nga apaman a maawat ti Senado ti reklamo, ibilin ti Konstitusyon a proceed with trial’ wenno dagus nga ag-convene iti Senado kas impeachment court, saan ketdi a ‘proceed with dismissal’.
Kinuna pay ti Senador-elect a no awan ti umdas nga ebidensiya iti trial, nasken nga i-absuwelto wenno maabsuelto ket nu awan ti umdas nga ebidensiya, rumbeng laeng a ma-convict.
Naituding a basaen ti Senado iti articles of impeachment kontra kenni VP Sara inton Hunyo 11, ti maudi a sesyon ti 19th Congress sakbay nga ag-adjourn ti maika-19 a Kongreso inton Hunyo 13.
Kabayatanna, nakatuding nga agsubli ni Pangilinan idiay Senado into nag-convene ti maika-20 a Kongreso inton Hulyo agdama a tawen.
