Adu a flights ti naapektaran sadiay Heathrow Airport, London kalpasan ti dakkel nga uram iti substation na.
Kinuna ni London Fire Brigade Deputy Commissioner Jonathan Smith a nauram ti transformer a buklen ti 25K litro iti cooling oil.
Gapo iti uram ket napukaw ti supply ti kuryente kadagiti uppat a terminal ti airport agraman dagiti lima ribo a babbalay iti aglawlaw na.
Na-divert met ti dadduma a flights sadiay Manchester Airport, United Kingdom ken dumanon met ti agingga 120 flights para kadagiti alternatibo nga airports.
Am-ammuen paylaeng dagiti otoridad ti makagapo iti uram ken saan da met nga ilaklaksid ti posibilidad ti terorismo.
