Pinasingkedan ti Bureau of Immigration a nagtalinaed ditoy Pilipinas iti las-ud ti sumagmamano a lawas dagiti agama a suspek iti pammaltog iti Bondi Beach idiay Sydney, Australia.
Segun kenni BI spokesperson Dana Sandoval, nagturong ditoy pagilian ni Sajid Akram, 50-anyos ken ti 24-anyos nga anakna a ni Naveed Akram.
Simmangpet dagiti dua idiay Davao idi Nobiembre 1, 2025 ken nagsublida idiay Australia idi Nobiembre 28, 2025.
Rimmuar met iti impormasion a nagusar dagiti dua ti Indian passport.
Idi Disiembre 14, impatungpal dagiti agama iti krimen a nakatayan dagiti 15 nga indibidual ken nakadundunoran dagiti dadduma pay.
Natay met iti ama a suspek bayat nga agpapaimbag iti anakna kalpasan a mapaltugan dagiti otoridad.
Dakkel iti pammati dagiti otoridad a konektado dagiti dua nga Islamic State terror gapu iti nakitada a bandera kadagiti lugan, agraman dagiti improvised explosive device.
