BR LA UNION – Nakailista iti Municipal Disaster Risk Reduction Management Council idiay San Juan, La Union iti saan a bumaba ti 60 a biktima ti jellyfish sting iti napalabas nga obserbasyon ti Semana Santa.
Kinuna iti Bombo Radyo La Union ni Gino Mabalot, MDRRRMO Officer idiay San Juan, iti jelly fish encounter ket mapasamak gapu iti pabaliw-baliw a kondisyon iti kabaybayan.
Nupay kasta, amin dagitoy a kaso ti jellyfish sting ket nataming a naimbag babaen kadagiti maseknan.
Kabayatanna, kinuna pay ni Mabalot nga adda tallo a biktima ti near drowning incident wenno gestay pannakalmes ti ili a San Juan, ngem dagus a nakapagresponde dagiti otoridad.
Dagiti biktima ket agpapada a turista a limbes iti naituding a swimming area.
Nagpalagip ti nasao nga opisina nga agannad a kanayon, agbalin a disiplinado, tapno maliklikan dagiti saan a nasayaat a pasamak ken mantiniren ti kinadalus iti kabaybayan.
