Agarop 37 a tattao ti pimmusay kalpasan ti inaramid a pammaltog dagiti suspek a militante nga grupo ti Boko Haram Islamist idiay Aminanan-a-daya ti Nigeria.
Naglugan dagitoy ti motorsiklo ken pinalpaltogan da dagiti tao idiay palengke ti Yobe ken pinuoran da pay dagiti pagtaengan sadiay.
Mabalin pay a manayunan dagiti natay gapo kadagiti biktima a nakaro ti sinagaba da a sugat iti pammaltog kabayatan iti kaadda da iti ospital.
Mamati met ni Yobe police spokesperson Dungus Abdulkarim a mabalin a bimmales ti grupo kalpasan a mapapatay da dagiti kakadwa da a residente a miyembro ti Boko Haram fighters.
