BR LA UNION -Naiyakar ti obserbasyon ti Eid’l Fit’r, ti marka a panagturpos ti Ramadan, a maysa kadagiti dua a kangrunaan a selebrasyon iti relihiyon nga Islam, inton aldaw ti Sabado, Marso 21.
Daytoy ket kalpasan a saan a nasaripatpatan iti bulan ita a rabii ti Huwebes, Marso 19 iti insayangkat a moon sighting ti Bangsamoro Darul-Ifta, segun kenni Bangsamoro Mufti Sheikh Abdulrauf Guialani.
Gaputi dayta, agayuno pay ti maysa nga aldaw dagiti Muslim ditoy Pilipinas.
Iti laksid a naiyakar ti aldaw a panang-obserba ti Eid’l Fit’r, agtalinaed a regular holiday inton bigat, Marso 20 maiyannurot iti immuna nga anunsiyo ti Palasyo ti Malacañang.
Kaipapanan nga awan ti serrek dagiti estudyante ken mangmangged iti gobyerno.
