BR LA UNION – Kinedngan ti korte a mabalud idiay Nigeria dagiti 15 a gangannaet manipud Asya idi Biyernes gaputi cyber-terrorism ken internet fraud.
Segun kenni Economic and Financial Crimes Commission (EFCC) spokesman Dele Oyewale, kabilang dagiti nasentensiyaan a mabalud ti agingga maysa a tawen ken multa a maysa a milyon a naira (currency of Nigeria) wenno kaibatugan ti $630 tunggal maysa kalpasan a nag-plead ti guilty ket dagiti 11 a Pilipino, 2 a Chinese, maysa nga Malaysian ken maysa nga Indonesian.
Naakusaran dagitoy ti maipagarop a panag-recruit dagiti agtutubo a Nigerians para iti identity theft ken nagpabigbig a gangannaet.
Immandar pay ti korte a ma-forfeit dagiti narekober a device manipud kadagiti na-convict a gangannaet iti federal government ti Nigeria.
Iti nasao a kaso a pakairam-ramanan dagiti foreign national ket maibilang a maysa a kadackelan a kaso idiay Nigeria.
Segun iti Economic and Financial Crimes Commission, agrec-recruit iti foreign gangs iti kakutsabo da a Nigerians tapno agsapol iti biktima online babaen ti phishing scams ket masansan nga aramiden dagiti attackers nga allilawen dagiti biktima tapno mangi-transfer ti kuwarta wenno mangipaay kadagiti sensitibo nga impormasyon kas ti passwords.
Masansan a puntirya da dagiti Americans, Canadians, Mexicans ken Europeans.
