Nasurok 22,000 a pamilya wenno aganay 75,000 nga indibidual manipud kadagiti nadumaduma nga ili idiay Eastern Samar iti apektado dagiti panaglayos nga ingubuay ti Shear Line.
Maibasar iti inruar a datos ti PDRRMO, nailista iti kaadduan a naapektaran a pamilya idiay Llorente, Dolores, Lawaan, Jipapad, Borongan City, ken Arteche.
Dumanon ti 717 a pamilya wenno nasurok 2,400 nga indibidual iti naiyakar, kangrunaan idiay Jipapad ken Arteche, ken napalubusan laeng nga agsubli dagiti dadduma kalpasan a bimaba iti layos.
Impadamag met ti ahensia nga adda dagiti dua nga indibidual a mapukpukaw idiay Llorente ken agtultuloy a mabirbirok iti maysa kadakuada.
Aginggana tumeng ken siket iti kangato ti layos kadagiti 62 a barangay iti intero a probinsya bayat a nailista met iti panagreggaay ti daga idiay Taft ken Borongan City.###
