BR LA UNION – Takderan ni Center for International Law President Atty. Joel Butuyan nga awan ti naan-anay a basaran dagiti damag seknan iti agdama a health condition ni sigud a presidente Rodrigo Duterte, rason ti panangitantan iti nakatuding koma a confirmation of charges inton Setyembre 23.
Segun kenni Butuyan, kadagiti naglabas nga interview kadagiti annak ti sigud nga opisyal partikular kenni Vice President Sara Duterte, inwaragawg na a nasayaat ti kasasaad ti sigud a presidente iti uneg ti detention center.
Impaganetget na, dagiti nasao nga addang ket maysa laeng kadagiti ‘baseless claims’ ti pamilya tapno maka-secure ti maysa nga interim release manipud iti International Criminal Court (ICC).
Innayon pay ni Butuyan, ammo ti sigud a presidente iti agdama a mapaspasamak ken dagiti inaramid na, isunga mamati ni Butuyan iti ibagbaga ti defense team a bin-ig a ‘delaying tactics’ laeng kalpasan a ma-deny ti napalabas a mosyon dagitoy.
Kabayatanna, kasaruno daytoy ket imbaga na a maysa pay a political move iti panagapela ni Nicolas Kaufman, legal counsel ni Duterte, kenni President Ferdinand Marcos Jr. a palubosan nga agawid ditoy pagilian ti sigud nga opisyal.
