Kinondenar iti Palasyo ti Malacañan dagiti agindadalus benepisyaryo iti Tulong Panghanapbuhay sa Ating Disadvantaged/Displaced Workers wenno TUPAD program.
Segun kenni Palace Press Officer Undersecretary Claire Castro, adda dagiti insidente a dagiti benepisyaryo ket agindadalus laeng nga apagbiit para iti video wenno pictorial documentation ken ibati dan dagiti basura a rumbeng ket dalusan da.
Adda met dagiti kanito a dagiti wara a siguden a naakop ken naurnong iti maysa a lugar ket isu iti mai-video tapno agparang nga isuda iti nangdalus.
Pinalagipan iti Palasyo iti publiko a dagiti benepisyaryo ti TUPAD ket saan a mabaybayadan, babaen kadagiti nagrigatan a buis ti pada a Pilipino, tapno laeng agindadalus wenno mangaramid kadagiti peke a ladawan ken videos.
Pinaregta ni Castro dagiti benepisyaryo a seryoswen iti responsibilidad ken aramiden iti serbisyo a manamnama kadakuada kasukat iti tulong pinansyal a maaw-awat manipud iti buis ti tattao.
Pagaammo a naidatag iti TUPAD Program tapno adda panggedan dagiti marigrigat a Pilipino babaen ti panangidiaya ti temporaryo a trabaho ken tulong pinansyal.
