Natiliw ti aglive-in partner kalpasan ti insayangkat a drug buy bust operation ti San Fernando Police Station idiay Barangay Sevilla, ditoy syudad.
Nabigbig dagiti biktima nga isuda Jerome Ebol, baro residente ti Barangay Poro, San Fernando City, La Union, kenni Micah Angeles, 23, balasang tubo ti Taguig City ken madama nga agnanaed iti Barangay Panicsican, San Juan, La Union.
Pakairaman dagiti nakumpiskar kadagitoy ket (1) pidaso ti plastic transparent sachet iti maatap a shabu, (8) plastic transparent sachet ti maatap a shabu, (1) sahcet iti maatap a napagango a bulong ti marijuana; nadumaduma a drug paraphernalia, maysa a kotse ken (1) P1,000 peso bill a naaramat kas buy bust money.
Nagbalin a balligi ti pannakatiliw kadagiti suspek kalpasan a naginnawat dagitoy babaen iti nagpammarang a poseur buyer ti maysa a kameng ti San Fernando Police Station.
Pinagkedkeddan met dagiti natiliw a kukuada dagiti a nakumpiskar a droga.
Segun pay iti San Fernando City Police nga arigna makabulan a sinipsipotanda ti garaw dagiti biktima agingga a natiliw dagitoy.
Maisagsagana metten ti kaso a maidatag kontra kadakuada.
