LA UNION – Sinampaanen ti pulisya iti kaso dagiti agkabsat a maipagarup a naglabsing ti Anti-illegal Gambling Law idiay Barangay Patac, ili ti Sto. Tomas, La Union.
Naammuan ti Bombo Radyo manipud ti Sto. Tomas Police Station, dagiti dua a suspek ket maipagarup nga agpatpatayada iti Small Town Lottery (STL) a saan a nakauniporme ken awanan ti identification card.
Kinumpiskar met dagiti pulis ti P2,583 a collection ken dadduma pay nga ikotda a gambling paraphernalia. (Absalom Flores)
