BR LA UNION – Kagiddan ti closing ceremony ti maika-65 a Palarong Pambansa idiay Laoag City, Ilocos Norte pormal a naiyanunsiyo ti sumaruno nga ag-host ken pakaisayangkatan ti 2026 Palarong Pambansa wenno 66th Palarong Pambansa.
Iti multi-sport event ket maisayangkat idiay Prosperidad, Agusan del Sur inton 2026.
Naisayangkat ti turnover of banner iti baetan da Ilocos Norte Governor Matthew Marcos Manotoc ken Agusan del Sur Governor Santiago Barriga Cane Jr. idiay Centennial Arena, Laoag City, Ilocos Norte.
Iti panagbetla ni Governor Cane Jr. imbaga na a nabayagen a sinaganaan da ti ag-host babaen iti panang-papigsa ti sports tourism iti probinsiya.
Kabayatanna, iti kalkalpas a kadackelan nga sports competition ditoy pagilian, naiyawid ti National Capital Region (NCR) iti maika-18 a consecutive overall championship iti Palarong Pambansa 2025 babaen iti 117 golds, 70 silvers ken 50 bronze medals.
