Nababalaw manen iti Air India iti aviation watchdog ti pagilian gapo iti panangpatayab kadagiti tallo nga Airbus aircraft a saan a naipasidong ti panagadal ti escape slides, a segun kadakuada ket naglabsing ti eropuerto mainaig iti pilot duty timings idi bulan ti Hunyo.
Kasaruno daitoy ti impablaak nga report ti Aircraft Accident Investigation Bureau (AAIB) mainaig ti panagsuwek ti Air India jetliner a nakatayan ti 260 a tattao. Nakailanad a naaddaan iti pannakatikaw ti uneg ti cockpit, apagbiit laeng sakbay a nagsuwek ti nasao nga eroplano idi Hunyo 12.
Segun iti imbestigasyon, naggidan nga immakar iti cutoff mode ti engine fuel switches, rason tapno mapukawan ti supply iti gasolina dagiti dua a makina ti Boeing 787 Dreamliner.
Nangngegan pay iti cockpit voice recorder a damdamagen ti maysa a piloto ti kadwa na nu apay a pinatay na ti fuel ngem pinaglibakan daitoy ti kasasao na. Saan a nalawag nu sino iti nagsao ken awan met iti indikasyon nga emergency a panangatay kadagiti makina.
Nupay nasarakan iti “run” position dagiti fuel switches idiay crash site kasta met nga adda dagiti pangilasinan a ginandat da pay a paandaren manen iti makina ket nagsuwek latta iti eroplano iti nababa nga altitude.
Kabayatanna, awan met iti makitkita a pagkurangan ti Aircraft Accident Investigation Bureau iti nangaramid ti makina iti eroplano.
Agtultuloy ita ti tarigagay ti Tata Group nga isubli iti reputasyon da ken operasyon ti Air India manipud idi naala daitoy iti gobierno, tawen 2022.
