BR LA UNION – Natay iti 46 a Palestinians iti dua a nagsina nga air strikes nga inyuswat ti Israel iti nagpatnag idi kalman, segun iti medics ken civil defense officials.
Kabilang a tinamaan iti Fahmi Al-Jargawi School idiay Gaza City nga agserserbi a shelter iti gasut a pamilya a na-displace manipud Beit Lahia town a madama a makapad-padas ti nainget a panagatake ti Israeli military.
Segun iti tagapagsarita ti civil defense idiay Gaza a pat-patarayen ti Hamas, narekober iti 20 a bangkay kabilang dagiti ubbing ken kaadwan kadagitoy ti nauram kalpasan a nauram ti dua a silid pagadalan a naaramid a living quarters bayat a dagiti survivor ket nagsagaba ti critical injuries.
Base iti local reports, kabilang kadagiti napatay ket ni Mohammad Al-Kasih, iti lider ti investigations for the Hamas police idiay northern Gaza karaman iti asawa ken annak na.
Sakbay daytoy, tinamaan ti air strike ti Israel iti maysa a balay idiay central Gaza City a nakatayan ti uppat a tattao.
Iti dua nga insidente ti panagatake ket paset iti mas pinalawa pay nga opensiba ti Israel nga umabot iti amianan a paset ti Gaza idi napan a lawas.
Iti biang ti Israeli Defense Forces (IDF), maipagarop a tinarget da ti maysa nga Hamas ken Islamic Jihad command ken control centre.
Maipagarop nga us-usar ti nasao a lugar dagiti terorista para iti panagplano ti panagatake kontra kadagiti sibilyan nga Israeli ken tropa ti IDF ken naakusaran pay ti Hamas nga agus-usar kadagiti umili idiay Gaza kas “human shields”.
