Pinaglibakan ni sigud nga House appropriations panel chairperson ken Ako Bicol Party-list Representative Zaldy Co iti alegasyon nga addaan daytoy ti P13 billion insertions iti P6.3 trillion national budget ita a tawen.
Segun kenni Co, parparbo ken addaan ti ‘political motive’ iti saritaan a mangallilaw iti publiko ken ipabasol ti sabali iti pagsungsungbatan.
Saan nga isuna iti nagdesisyon iti 2025 General Appropriations Act ken dagiti probisyon agsipudta agpada nga inaprobaran daytoy ti Kamara ken Senado ken pinermaan ni Presidente Ferdinand Marcos Jr.
Adda met dagiti gundaway a dagiti probisyon ket naveto isu a saan a nairuar iti pondo.
Iti nasao nga alegasyon ket imbutakak ni Navotas Representative Tobias Tiangco a timestigo iti Senate Blue Ribbon inquiry seknan iti saritaan ti flood control projects.
Nairaman met ni Co kadagiti kongresista a maipagarop a naikkan ti awards ti proyekto nga imbutaktak ti agasawa a kontraktor nga isuda Sara ken Curlee Discaya.
Maipalagip nga incorporator ni Co ti Sunwest Inc. iti maikalima a kangrunaan a flood control project contractors idiay Bicol Region.###
