BR LA UNION – Imbabawin dagiti uppat a nagpabigbig a sigud a bodyguard ni ex-Ako Bicol Party-list Representative Zaldy Co, iti inaramid da nga alegasyon kontra kada President Ferdinand Marcos Jr., sigud nga House Speaker ken Leyte 1st District Representative Martin Romualdez, Zaldy Co, ken dadduma pay a personalidad.
Iti baro a sinapataan a salaysay dagiti nagpabigbig a security ni Co, imbaga da a saan a pudno dagiti immuna a salaysay da, kalpasan nga inraman da dagiti nasao a personalidad nga immawat ti male-maleta a kuwarta.
Kinuna da pay a nagpirma da idi ti joint affidavit gaputi kari a pinansyal a tulong ken seguridad para iti pamilya da.
Ngem gapu kadagiti maipagarop a pangta ti biag da malaksid pay a sumangsango da ti agtutuon a kaso, kayat da itan ti agbiag a natalinaay.
Tallo kadagiti uppat a lallaki ti nangibaga, a ti immuna nga affidavit ket naisumite idiay Office of the Ombudsman nga isuti maus-usar ita iti imbestigasyon kenni Romualdez ken dadduma pay.
Impaganetget da pay nga idi simmango da iti Ombudsman, maipagarop a napilit da a nagpirma iti affidavit gaputi pangta a makaswan nu saan da nga agtungpal.
Nupay kasta, imbaga ti ”maleta boys” a boluntaryo da itan nga inaramid ken pinirmaan iti baro nga affidavit da.
