LA UNION – Dagus a natay ti ama, kabayatan a kritikal ita ti kasasaad ti anak kalpasan a maaksidente ti naglubbunanda a motorsiklo iti national highway idiay Barangay Damortis, ili ti Sto. Tomas, La Union.
Nabigbig ti natay a ni Danilo Palaganas, 47; ken ti kritikal a ni Erwin, 26,agpada a residente iti Barangay Nagtagaan, ili ti Rosario, La Union.
Naammuan ti Bombo Radyo kenni S/Ins. Juanito Buaron, hepe ti Sto. Tomas Police Station, maipagarup a naawanan ti kontrol iti panagmaneho ti ub-ubing a Paganas isu a natuma ken dimmungpar iti alad ti kalsada ti naglubbunanda a motorsiklo.
Dagus met a naiturong idiay La Union Medical Center dagiti dua, ngem natay ti ama a backrider gapu ti nakaru a sugat a nasagrabna iti bagi.
Naduktalan a maipagarup a nakainom dagiti dua idi a napasamak ti aksidente.
