Naidatagen iti kaso a parricide ken frustrated murder iti Office of the Provincial Prosecutor idiay Agoo, La Union maikontra iti 21-anyos a lalaki a nakapatay iti bukod na nga ama ken nangbagsol iti kina-inninom na, idi bisperas ti Baro a Tawen, Disyembre 31, 2017 idiay Barangay Alaska, Aringay, La Union.
Iti suspek ket managan Bern Gatchalian.
Maipalagip a dead-on-arrival iti ospital iti ama ti suspek a ni Bernardo Gatchalian kalpasan a binagsol na daytoy ti namin-adu a daras babaen iti nabettak a bote ti arak.
Idinto a nakalasat met iti pammagsol iti maysa biktima a ni Oliver Quindara ngem agtultuloy a maag-agasan iti ospital.
Maipalagip pay a nagramot ti krimen idi nga anawa-en ti ama iti suspek iti panagrikkiar da iti kina-inninom na a ni Quindara.
