LA UNION – Naragsakan ni Senadora Risa Hontiveros iti pannaka-arestar dagiti otoridad iti pugante a ni Apollo Quiboloy.
Segun kenni Hontiveros, a kangrunaan a nagimbestigar idiay Senado iti kaso a panaglabsing iti karbengan pantao ni Quiboloy, mabilbilangen dagiti aldaw na nga agin-aari, panangbastos iti linteg, panagabuso iti babbai, agtutubo ken pada a Pilipino.
Kinuna ti senador a saan a matarayan ni Quiboloy iti linteg ken saanna a maitantan iti hustiya para kadagiti inabuso daytoy.
Pinagyamanan ni Hontiveros dagiti victim-survivors a situtured a nangibaga ti kinapudno iti panagdengngeg ken magaw-gaw-at da itan kunana iti hustisya.
Sinaludwan pay ti mammanday linteg dagiti law enforcement agencies iti dedikasyon dagitoy laksid iti impamatmat ni Quiboloy a taktika.
Itan kunana a naaresto ni Quiboloy, ituloy da iti imbestigasyon ti Senado tapno matuldukanen iti sistematiko a panagabuso na kadagiti vulnerable nga umili.
