BR LA UNION – Natiliwen iti maibilang a ‘number 1 most wanted person’ ditoy La Union.
Daytoy ket babaen ti inyuswat a manhunt operation dagiti otoridad idiay Barangay Sta Lucia, Aringay, La Union idi malem ti Lunes, Abril 27, 2026.
Ti suspek ket nabigbig a 41-anyos, contruction worker, residente ti Barangay Sto. Rosario West, Aringay, La Union ken sumangsango iti kaso a two (2) counts of rape.
Ti operasyon ket indaulwan ti Aringay Police Station iti tulong ti dadduma a police unit, babaen ti bileg ti warrant of arrest nga inyisyu ti Regional Trial Court, Branch 31, idiay Agoo, La Union.
Temporaryo a naipasidong ti suspek iti kustodiya dagiti otoridad bayat a maur-uray ti pannakaiyakar na iti Bureau of Jail Management and Penology para iti umiso a disposisyon.
