Saan a maaklon ti biyuda ti napaltogan-natay a tricycle driver nga awanen ti asawa na.
Iti pannakiuman ti Bombo Radyo kenni Marites Apilado, emosyonal na a kinuna nga awan ti kabusor ti asawa na ken nabayagen daytoy a tricycle driver.
Kinuna na, sakbay a pimmanaw ti asawa na ket inungwa-ungwan na pay dua nga bulan da a maladaga ken ma-ika pito nga anak a senyales ti panagpakadanan.
VC- Marites Apilado
Hustisya met ti tarigagat na para iti pannakatay ti asawa ken kuma makonsenya dagiti suspek.
Maipalagip, pinagpaltogan ti riding in tandem suspects iti uneg ti Holy Garden iti Barangay Dalumpinas Oeste ti biktima a ni Norlito Apilado, 45, residente ti Purok 6, Barangay Sevilla iti syudad ti San Fernando, La Union.
