BR LA UNION – Pimmusay ita nga aldaw, Abril 12, iti beterano a kumakanta ken aktres a ni Pilita Corrales iti edad nga 85.
Daytoy iti kinumpirma ti pamilya na iti maysa a social media post.
Segun iti pamilya na, adu a biag ti nariing ken nangipaay ti kinasayaat iti pada a tao babaen kadagiti kanta ni Pilita.
Iti agdama, awan pay ti nairuar a detalye seknan nu anya ti makagapo ti nakatayanna.
Limmatak ni Pilita Corrales idi 1960 kas kumakanta kadagiti musika a Bisaya kas ti ‘Matud Nila’ ken iti kanta na nga ‘Usahay’.
Limmawa iti karera na agingga a nagbalin nga aktres iti pelikula ken telebisyon.
Nangidanon metten ti pannaki-simpatiya dagiti gagayyem, pamilya ken kakadwa iti industriya ti beterana a singer/actress.
Maipalagip nga idi 2024, naiyanunsiyo nga addaan ti documentary maipapan iti biag na, a napaulwan iti “Asia’s Queen of Song”.
Maysa kadagiti agserbi producer na iti apo na a ni Janine Gutierrez.
