LA UNION – Nakasaganan dagiti assets ken personnels ti Bureau of Fire Protection tapno siguradwen iti naannayas ken natalged a panang-obserbar ti UNDAS wenno All Saint’s Day and All Soul’s Day inton Nobyembre uno ken dos, iti intero a rehiyon uno.
Iti interview ti Bombo Radyo La Union kenni Fire Senior Inspector Benrae Valmonte, agdama a Regional Information Officer ti BFP-Region One, kinuna na a functional amin dagiti 249 a firectrucks ken 29 ambulances manipud iti naduma-duma a fire stations ti rehiyon uno.
Nangisayangkat pay dagiti opisyal ti Bureau of Fire Protection iti skills enhancement ken drill tapno mas epektibo iti deployment ken trabaho dagiti personnel nga agresponde.
Kabayatanna, napili ti BFP-Region 1 iti Bombo Radyo La Union tapno palagipan ti publiko dagiti rumbeng ken saan a rumbeng nga aramiden iti panagturong iti sementeryo ken nu pumanaw iti balay.
Kinuna ni Valmonte a target ti opisina da iti zero-fire incident iti obserbasyon ti todos los santos, isutgapuna nga agbalin koma a responsable dagiti umili iti panag-sindi ti kandila ken i-check dagiti de koryente nga arwaten ken linya ti koryente, nangruna nu pumanaw iti pagtaengan.
