Tinagiawan laeng ni Atty. Harry Roque ti online petition a nangbabalaw ti asylum application na sadiay The Netherlands.
Nag-post ti online petition ti Filipino-Dutch a ni Joel Vega kasaruno ti panangipatuopd ti surat iti Immigration and Naturalization Service (IND) ti The Netherlands a mangkidkiddaw nga iwaksi ti request ni Atty. Roque.
Depensa ni Roque, ti isyu ti asylum application ket nu adda ti political persecution ken saan a maidalan ti aniaman a binnotosan.
Nagtignay ti sigud a presidential legal counsel a paneknekan na idiay The Netherlands a ti imbitasyon kenkuana ti Quad Committee ti Kamara de Representantes ket maysa a political persecution.
Immunan a kinuna ti abogado a nagaplikar isuna ti asylum kasaruno ti panagparang na manen idi simmango ni FPRRD iti Pre-Trial Chamber ti International Criminal Court (ICC).
Kinuna met ni Vega, nabayagen a ni Roque ket adda iti Duterte political circle nga ti agdama ket addaan paylaeng ti nangato nga impluwensya ti politika ditoy Pilipinas.
Innayon na a saan a biktima ni Roque ditoy pagilian ken awanan pay isuna ti umdas a basaran ti aplikasyonna.
Malaksid iti dayta ket ususaren laeng ti abogado ti Dutch system tapno tarayan dagiti pagsungbatan na ditoy pagilian.
Iti agdama ket nakagun-oden ti rinibu a pirma ti nasao nga petisyon.
