Pinatalgedan ni Brgy. Lingsat Kagawad Erlindo Samuranos nga awan ti panggepda a dakes iti inaramid da a panangsirrek ti nakasanglad a nadadaela Vietnamese sea vessel iti igid ti baybay ti Poro Point ditoy syudad ti San Fernando, La Union.
Adda pakainaegan na daytoy iti pannakakusar kadagiti 10 a mangngalap a maipagarop a nagtakaw iti ruangan ti nasao a barko.
Segun kenni Samoranos, nakaawatda kagiti report nga adda dagiti tattao a taga sabali nga lugar nga umul-uli iti nasao a barko isu a nangisayangkatda ti inspeksyon kadua ni Jomar Hidalgo, miembro ti Marine Protected Area.
Kabayatan nga adda da iti uneg ti barko saanda nga napuotan a simmaruno dagiti mangngalap a kakadua ni Freddie Manongdao tapno maki-usyoso.
Apag-isu kuna na a nakita dagiti coast guard iti panangikarga ni Manongdo iti landok a ruangan ti barko nga innala na iti uneg ti danom.
Kabayatan na, impaganetget na met nga awan ti naibalod kadakuada iti pulisya ken uray idiay coast guard.
