BR LA UNION – Simrek iti Philippine Area of Responsibility (PAR) ti Tropical Storm “Jangmi” agarop alas-12:30 itay parbangon, Mayo 29, ket maawagan a bagyo “Domeng,” segun iti Philippine Atmospheric, Geophysical and Astronomical Services Administration (PAGASA).
Maibasar iti kauddian a bulletin ti PAGASA, naudi a nasaripatpatan ti bagyo Domeng iti kaadayu a 1,200 kilometro daya ti Southern Luzon.
Kabuyog ti bagyo iti kapigsa ti angin a 75 kilometro kada oras asideg iti sentro ken kapegges a dumanon iti 90 kilometro kada oras.
Iti agdama, dup-dupagen ti bagyo Domeng iti pa-amianan iti kapartak a 20 kilometro kada oras.
Namnamaen a pumigsa pay deaytoy ken mabalin a dumanon iti typhoon category inton bigat, Sabado, Mayo 30.
Maibasar iti forecast, posible a rumwar iti PAR ti bagyo Domeng inton Lunes, Hunyo 1.
Agtultuloy nga i-monitor ti PAGASA iti garaw ti bagyo bayat a naallokoy iti publiko nga agtalinaed nga alerto kadagiti sumaganad nga abiso.
