BR LA UNION – Apagapaman a kimmapsot iti Super Typhoon Inday bayat nga adda iti Philippine Sea.
Naudi a nasaripatpatan iti kaadayu a 1,035 km daya ti Northern Luzon, kabuyog ti angin nga 185 km/h ken kapegges a dumanon iti 230 km/h.
Dup-dupagaenna iti laud amianan-a-palaud iti kapartak a 20 km/h.
Nakabayog ti Tropical Cyclone Signal #1 idiay:
Luzon
- Batanes
- Cagayan
- Babuyan Islands
- Isabela
- Northeastern portion of Quirino (Maddela)
- Apayao
- Northern portion of Abra (Tineg, Lagayan, Danglas, San Juan, Lagangilang, Licuan-Baay, Malibcong, Lacub, Daguioman, Dolores, La Paz)
- Kalinga
- Eastern portion of Mountain Province (Natonin, Paracelis),
- Eastern portion of Ifugao (Aguinaldo, Alfonso Lista),
- Ilocos Norte
- Northern portion of Aurora (Dilasag, Casiguran),
- Northern and central portions of Catanduanes (Pandan, Caramoran, Bagamanoc, Panganiban, Viga, Gigmoto, Baras, San Miguel)
Maibasar iti forecast track, agtultuloy a dupagen ti bagyo Inday iti direksiyon a laud amianan-a-palaud iti sumaganad a 12 nga oras.
Agtalinaed a super typhoon ti bagyo Inday agingga inton bigat, July 9, bayat nga adda iti Philippine sea ken umasideg idiay Extreme Northern Luzon inton rabii ti Biyernes (July 10) wenno agsapa ti Sabado ( July 11), sakbay nga agturong kadagiti isla idiay Northern Japan ken sea north ti Taiwan.
Ti kangatuan a wind signal iti panaglabas ti bagyo Inday ket Signal #2 ken Signal #3.
Nupay saan a namnamaen nga ag-landfall ditoy Pilipinas, papigsaenna met iti southwest monsoon wenno habagat, nga isuti mangpatudo iti dakkel a paset ti pagilian.
Iti agdama, makapad-padas ti napigsa a tudo ken angin idiay Mindanao gapwanan ti habagat a pinapigsa ti bagyo inday.
Kabayatanna, namnamaen a kumapsot ti Super Typhoon Inday ken bumaba iti kategorya a Typhoon inton rabii ti Huwebes (July 9) wenno parbangon ti Biyernes (July 10) agingga a rumwar iti PAR inton Sabado (July 11).
Posible nga ag-landfall idiay eastern mainland China inton Domingo (July 12).
