BR LA UNION – Nagtalinaed ti kapigsa iti bagyo Gorio bayat nga agtultuloy a dup-dupagenna iti pa-laud a direksiyon iti sumaganad a 24 nga oras.
Naudi a nasaripatpatan iti kaadayu a 1,180 kilometro daya ti Extreme Northern Luzon, kabuyog ti angin nga agpigsa iti 110 kilometro kada oras ken kapegges a dumanon iti 135 kilometro kada oras.
Nupay namnamaen a saan a direkta a maapektaran ti pagilian iti sumaganad a tallo nga aldaw, mangigubway daytoy ti kalalainganna a panagtudo (1.0–1.5 metro) iti kabaybayan ti Extreme Northern Luzon.
Mabalakadan dagiti mangngalap nangruna dagiti agus-usar ti babassit a bangka, nga agannad wenno liklikan ti agpa-taaw nangruna nu kurang iti arwaten wenno kapadasan.
Iti malem inton bigat, Agosto 12, dupagenna ti laud amianan-a-palaud a direksiyon agingga Huwebes, Agosto 14, ken amianan-a-palaud agingga iti maudi a forecast period.
Iti track forecast ti PAGASA, ag-landfall ti bagyo GORIO iti daya a paset ti kabaybayan ti Taiwan inton malem ti Miyerkoles, Agosto 13, ken rumwar iti Philippine Area of Responsibility (PAR) inton rabii ti Miyerkoles.
Ti bagyo Gorio ket posible a dumanon iti typhoon category iti sumaganad a 12 nga oras sakbay a naan-anay a kumapsot iti nabatbati a forecast period.
