BR LA UNION – Posible a saan a direkta a makaapektar ti bagyo Huaning ditoy pagilian iti uneg ti 48 nga oras, manipud alas 5:00 itay bigat, maibasar iti 5:00 AM Tropical Cyclone Bulletin #1 ti PAGASA.
Naudi a nasaripatpatan iti sentro ti bagyo iti kaadayu a 520 km daya amianan-a-daya ti Itbayat, Batanes.
Kabuyog daytoy ti angin a 45 km/h asideg iti sentro ken kapegges a dumanon iti 55 km/h.
Ti bagyo Huaning ket agtultuloy nga agturong pa-amianan agingga inton rabii.
Inton bigat, dupagenna iti amianan amianan-a-padaya agturong idiay Ryukyu Islands, Japan.
Maibasar iti forecast track, ti bagyo HUANING ket rumwar iti Philippine Area of Responsibility inton rabii ( Agosto 19) wenno agsapa inton bigat, Agosto 19 2025.
Maipalagip a nabukel ti low pressure area kas tropical depression wenno bagyo Huaning itay alas 2:00 AM ket agtalinaed kas tropical depression agingga iti pakabuklan a forecast period.
Iti sabali a bangir, ti trough wenno extension ti Tropical Depression iti ruar ti PAR ket mangigubway ti nakuyem a tangatang ken mawaras-waras a panagtudo ken panaggarru-od iti laud a paset ti Northern ken Central Luzon, partikular iti Ilocos Region, Zambales, ken Bataan.
Ti Metro Manila ken nabatbati a paset ti pagilian ket apektado ti Localized Thunderstorms bayat a Southwest Monsoon ti mangpatudo idiay Palawan.
