LA UNION – Lalo pay a pimmigsa iti bagyo Ofel, ket adda itan iti typhoon category.
Naudi a nasaripatpatan iti mata ti bagyo iti kaadayu a 475 km daya amianan-a-daya ti Virac, Catanduanes wenno 595 km daya ti Daet, Camarines Norte , kabuyog na ti angin a 120 kilometro kada oras ken kapegges a dumanon iti 150 kilometro kada oras.
Dup-dupagenna iti palaud a direksiyon iti kapartak a 25 kilometro kada oras.
Maibasar iti forecast track ti bagyo, namnamaen nga ag-landfall idiay east coast ti Cagayan wenn Isabela, malem inton bigat November 14.
Segun iti Pagasa, mapatta-patta a pumigsa pay ti bagyo Ofel iti uneg ti 24 nga oras ken posible nga ag-landfall bayat nga adda iti peak intensity wenno kapigsa daytoy.
Partikular a makapadas iti saan a nasayaat a paniempo ita nga aldaw ti Miyerkoles ket idiay Bicol Region, Isabela, Aurora, Quezon, ken Northern Samar, gaputi epekto ti bagyo Ofel.
Kabayatanna, dagiti lugar a nakaibayogan iti Signal #1 ket dagiti sumaganad:
- Cagayan
- Babuyan Islands,
- Northern and central portions ti Isabela (Maconacon, San Pablo, Cabagan, Santa Maria, Divilacan, Palanan, Santo Tomas, Alicia, San Mateo,
Aurora, Quezon, San Mariano, Naguilian, Dinapigue, Roxas, San Guillermo, Luna, Delfin Albano, City of Cauayan, Ilagan City, Angadanan, Benito
Soliven, Tumauini, Reina Mercedes, San Manuel, Cabatuan, Quirino, Gamu, Mallig, Burgos) - Apayao
- Eastern portion ti Kalinga (Rizal, City of Tabuk, Pinukpuk),
- Easternmost portion ti Mountain Province (Paracelis)
- Easternmost portion ti Ifugao (Alfonso Lista)
sunrise 5:56 AM
sunset 5:25 PM
