LA UNION – Nakastreken iti Philippine Area of Responsibility (PAR) region iti Tropical Storm “USAGI” ken addaan itan ti local name a bagyo OFEL.
Naudi a nasaripatpatan iti mata ti bagyo iti kaadayu a 1,170 km daya ti Southeastern Luzon, kabuyog na ti angin a 75 kilometro kada oras ken kapegges a dumanon iti 90 kilometro kada oras.
Dup-dupagenna iti laud amianan-a-palaud iti kapartak a 25 kilometro kada oras.
Maibasar iti forecast track, namnamaen nga ag-landfall ti bagyo Ofel iti Northern wenno Central Luzon inton malem wenno rabii ti Huwebes, Nobyembre 14.
Iti bagyo ket namnamaen a pumigsa iti sumaruno a tallo nga aldaw agingga a dumanon iti typhoon category inton bigat, Miyerkoles.
Pinakdaraan ti PAGASA dagiti residente iti Northern Luzon nga agridam ken agannad gaputa posible latta a mapasaran iti napigsa a panagtudo, angin, ken storm surge iti coastal areas.
Partikular a makapadas iti napigsa a panagtudo ita nga aldaw ket iti Ilocos Norte, Cagayan, ken Batanes.
Kabayatanna, iti maysa pay a tropical cyclone nga addaan ti international name a Man-Yi ket posible a sumrek iti PAR sakbay ti weekend.
Apaman a sumrek, maawagan daytoy iti local name a Pepito, maikatlo a bagyo a sumrek iti PAR iti uneg ita a lawas ken dupagenna iti Bicol wenno Eastern Visayas.
Kabayatanna, iti Tropical Storm MAN-YI wenno sigud a bagyo NIKA ket agtultuloy nga umad-adayu iti pagilian ken kimmapsot metten daytoy.
Naudi a nasaripatpatan iti mata ti bagyo iti kaadayu a 185 km laud ti Laoag City, Ilocos Norte.
Kabuyog iti kapigsa ti angin nga umabot iti 95km/h asideg iti sentro ken kapegges nga umabot iti 115km/h.
Iti 5:00 AM weather bulletin #18, adda pay laeng dagiti lugar a nakaibayog iti Signal #1 nga uray nakarwaren ti mata ti bagyo Nika ditoy pagilian. Dagitoy ket dagiti sumaganad:
- Ilocos Norte
- Northern portion ti Ilocos Sur (Lidlidda, City of Candon, Galimuyod, Banayoyo, Burgos, Santiago, Santa Maria, San Esteban, Nagbukel,
Narvacan, Caoayan, Santa, Bantay, City of Vigan, Santa Catalina, San Vicente, San Ildefonso, Santo Domingo, Magsingal, Cabugao, San
Juan, Sinait) - Northern portion ti Apayao (Kabugao, Pudtol, Luna, Santa Marcela, Calanasan, Flora)
- Northern and western portions ti Abra (Tineg, Lagangilang, Bucay, Villaviciosa, Lagayan, San Juan, La Paz, Danglas, Pilar, San Isidro,
Peñarrubia, Tayum, Dolores, Bangued, Pidigan, Langiden, San Quintin) - Western portion ti Babuyan Islands (Calayan Is., Dalupiri Is., Fuga Is.)
- Northwestern portion ti mainland Cagayan (Abulug, Pamplona, Sanchez-Mira, Santa Praxedes, Claveria)
