BR LA UNION – Pumigpigsa ti Bagyo “Opong” bayat nga agtultuloy ti panang-dupag na iti laud abagatan-a-laud, agturong iti Philippine Sea.
Iti kauddian a report ti PAGASA, naudi a nasaripatpatan iti sentro ti bagyo iti kaadayu a 815 kilometro daya ti Amianan-a-Daya ti Mindanao kabuyog ti angin nga agpigsa ti 85 kilometro kada oras ken kapegges a dumanon iti 105 kilometro kada oras.
Aggar-garaw daytoy a palaud abagatan-a-palaud iti kapartak a 15 kilometro kada oras ken umas-asideg idiay Eastern Visayas – Southern Luzon area.
Iti forecast track, ti Tropical Storm Opong ket ag-landfall idiay Bicol Region inton malem ti Biyernes, September 26.
Ngem sakbay nga ag-landfall, posible a pumigsa pay agingga Typhoon category ti bagyo Opong bayat nga adda iti Philippine Sea.
Manipud Bicol Region, bumallasiw nga agturong iti Southern Luzon manipud malem ti Biyernes agingga agsapa ti Sabado, September 27.
Iti agdama, nakabayog ti Signal No. 1 iti sumaganad a lugar.
- Northern Samar
- Eastern Samar
- Samar
Makapadas dagiti nasao a lugar iti napigsa a tudo ken angin.
Segun iti PAGASA, ti kangatuan a ballaag iti panagduprak ti bagyo OPONG ket Wind Signal No. 4.
Namnamaen a rumuar iti Philippine Area of Responsibility inton rabii ti Sabado wenno bigat ti Domingo, September 28.
