BR LA UNION – Simreken iti Philippine Area of Responsibility (PAR) iti banbantayan a tropical storm nga addaan ti international name a Nakri itay alas-12:40 ti aldaw, Oktubre 9, 2025.
Maawagan daytoy ti bagyo Quedan.
Maibasar iti monitoring ti state weather bureau, kabuyog na ti angin nga agpigsa ti 75 kilometro kada oras asideg iti sentro ken kapegges ti angin a 90 km/h.
Agtultuloy a dupagen ti Tropical Storm Quedan iti amianan-a-palaud a direksiyon bayat nga adda iti uneg ti PAR.
Posible a rumwar met laeng iti PAR inton rabii wenno inton parbangon, Oktubre 10.
Maibasar iti forecast track ti PAGASA, mapatta-patta nga agtultuloy a pumigsa ti dakes a panawen bayat nga umasideg idiay Ryukyu Islands.
Segun iti PAGASA, posible a saan a direkta a makaapektar ti kasasaad ti panawen ken iti kabaybayan, isunga awan ti namamaen a tropical cyclone wind signal iti sadinuman a lugar ditoy pagilian.
