LA UNION – Namantinir ti bagyo Romina iti kapigsa na bayat nga adda iti kabaybayan a paset ti Kalayaan Island idiay Palawan.
Segun iti PAGASA, nakita iti sentro ti bagyo iti kaadayu nga 40 kilometers ti amianan, amianan-a-laud ti La Carlota City, Negros Occidental.
Kabuyog na ti kapigsa ti angin nga umabot iti 55 kilometers per hour ken kapegges nga umabot ti 70 kph.
Nakangato pay laeng ti signal number 1 idiay Kalayaan Island idiay Palawan.
Makapadas ti napipigsa a panagdalluyon iti kabaybayan idiay Batanes, Babuyan Islands, Ilocos Norte ken Kalayaan Island.
Binalakadan ti PAGASA dagiti mangngalap a liklikan ti pay laeng ti tumapog, agkalap, ken aglayag iti kabaybayan kadagiti nadakamat a lugar.
Posible a pumigsa pay ti bagyo iti sumaganad nga oras sakbay a naan-anay a kumapsot agingga inton rabii ti Lunes.
