BR LA UNION – Lalo a pimmigsa ti bagyo “Verbena” bayat nga adda idiay West Philippine Sea ket maysa itan a Severe Tropical Storm.
Maibasar iti datos, ti sentro ti bagyo ket naudi a nasaripatpatan iti kaadayu a 375 kilometro laud ti Coron, Palawan wenno 310 kilometro daya amianan-a-daya ti Pag-asa Island, Kalayaan, Palawan.
Kabuyog daytoy ti angin nga umabot iti 95 kilometro kada oras asideg iti sentro ken kapegges agingga 115 kilometro kada oras.
Agtultuloy ti panag-dupag na a pa-laud iti kapartak a 35 kilometro kada oras.
Nakangato ti Tropical Cyclone Wind Signal (TCWS) No. 1 idiay Kalayaan Islands bayat a naikkat metten ti ballaag ti dadduma a lugar.
Agtultuloy ti pakdaar iti publiko nga agbalin nga alerto ken nakasagana iti posible nga epekto iti napipigsa a panagtudo ken angin a tugot ti bagyo Verbena.
Maibasar iti forecast ti PAGASA, rumwar iti Philippine Area of Responsibility (PAR) ti bagyo inton rabii wenno inton bigat (27 November).
Mapatta-patta a pumigsa pay ti bagyo Verbena inton bigat ket dumanon iti typhoon category gaputi favorable environment.
Nupay kasta, babaen ti pigsa ti Northeast Monsoon, pakapsoten na ti bagyo VERBENA agingga iti tropical storm category inton weekend.
