Alas tres ti parbangon ita nga aldaw ti Martes, Oktubre 22, ket naudi a nasaripatpatan ti Bagyong Kristine ti kaadayo a 400km Daya ti Virac, Catanduanes.
Addaan daitoy ti kapigsa ti angin a dumanon iti 65km/hr ken kapegges a dumanon iti 80km/hr. Dupdupagen na iti pa-Laud a direksyon ti kapartak a 15km/hr.
Makapadas ti panagtudo ken napigsa nga angin dagiti probinsya ti Bicol Region, Eastern Visayas, Isabela, Quirino, Aurora, ken Quezon.
Mangigubuay met iti Trough wenno tartaraipos ti Bagyong Kristine iti nalulem a tangatang ken panagtudtudo iti Metro Manila, intero a Luzon, Visayas, Zamboanga Peninsula, Northern Mindanao, Basilan, Sulu, ken Tawi-Tawi.
Nakaibayog ti Tropical Cyclone Wind Signal No. 1 dagiti sumaganad:
Luzon:
Makin-Daya ken sentro a paset ti mainland Cagayan (Piat, Santo Nino, Camalaniugan, Tuao, Lal-Lo, Enrile, Gonzaga, Alcala, Amulung, Santa Teresita, Baggao, Buguey, Solana, Rizal, Santa Ana, Tuguegarao City, Gattaran, Peñablanca, Iguig, Lasam, Aparri, Allacapan), Isabela, Quirino, abagatan a paset ti Nueva Vizcaya (Alfonso Castañeda), Aurora, makin-Daya a paset ti Rizal (Tanay, Pililla, Jala-Jala), Makin-Daya a paset ti Laguna (Majayjay, Magdalena, Pila, Santa Cruz, Pagsanjan, Luisiana, Cavinti, Lumban, Kalayaan, Paete, Pakil, Pangil, Siniloan, Famy, Santa Maria, Mabitac, Nagcarlan, Liliw), makin-Amianan ken makin-Daya a paset ti Quezon (Tagkawayan, Guinayangan, Buenavista, San Narciso, San Andres, General Nakar, Pitogo, San Francisco, Calauag, Pagbilao, Infanta, Lopez, Catanauan, Mulanay, Unisan, General Luna, Plaridel, Quezon, Alabat, Sampaloc, Padre Burgos, Macalelon, Mauban, Perez, Agdangan, Gumaca, Atimonan, Real, Lucena City, Lucban, City of Tayabas) agraman ti Polillo Islands, Marinduque, Romblon, Camarines Norte, Camarines Sur, Catanduanes, Albay, Sorsogon, ken Masbate agraman ti Ticao Island ken Burias Island
Visayas:
Makin-daya a paset ti Samar, Northern Samar, Samar, Leyte, Biliran, ken Southern Leyte
Mindanao:
Dinagat Islands ken Surigao del Norte, argaman ti Siargao – Bucas Grande Group
