Posible a sumrek ditoy pagilian ti maysa agingga dua a bagyo tatta nga bulan ti Nobiembre.
Segun iti PAGASA, saan latta a mailaksid ti tyansa ti iseserrek dagiti dakes a panawen ita nga bulan iti Philippine Area of Responsibility.
Apaman a mabukel dagiti bagyo tatta nga bulan ket maawagan dagitoy a Bagyong Marce ken Nika, maika-13 ken maika-14 a bagyo ditoy pagilian tatta nga tawen.
Ti agdama ket awan pay iti mapalpaliiw ti state weather bureau nga bagyo ngem adda dagiti namonitor ti ahensya a posible nga tropical cyclone-like vortex iti makin-Daya a paset ti PAR inton sumaruno a lawas.
