LA UNION – Siraragsak nga impadamag iti pulisya a naideklaran a drug cleared ita ti sibubukel nga ili a Balaoan, La Union.
Iti pannakiuman ti Bombo Radyo kenni S/Ins. Crusencio Abila Jr., hepe ti Balaoan Police Station, kinunana nga iti sidong ti Municipal Anti-illegal Drugs Abused Council ket nalinisandan manipud iti panagsaknap ti droga iti 35 a barangay iti masakupanda nga ili.
Sigun kenni Abila, 18 a barangay iti kinumpirma ti Philippine Drug Enforcement Agency (PDEA) a ‘drug free’ babaen ti naisayangkat a validation, kabayatan a 17 pay iti itrabtrabaho ti nasao nga ahensya.
Mangnamnama ti opisyal ken ti lokal a gobyerno a babaen ti agtultuloy a pannakitinnulong dagiti umili iti kampanya kontra iti iligal a droga ket mabigbigen a kas ‘drug free municipality’ ti Balaoan apaman a mailippas ti validation ti PDEA.
