Nakabalod itan ti maysa a balasang kalpasan daytoy a tiniliw dagiti otoridad idiay Baragay Ortiz, Naguilian, La Union.
Nabigbig daytoy a ni Sheena Ariona, 28, mannalon, residente ti Barangay Gusing Norte ti nasao a lugar.
Babaen daytoy ti bileg ti warrant of arrest nga impaulog ni Judge Jacinto Dela Cruz Jr. ti Regional Trial Court Branch 33 ti ili a Bauang, a napetsaan ti March 21, 2018 gapu iti kaso na a murder.
Awan met ti nairekomenda a piyansa daytoy para iti temporaryo a pannakawayawaya na.
