LA UNION – Agtultuloy ti isaysayangkat nga imbestigasyon ti Bureau of Fire Protection (BFP) iti pannakauram ti maysa a balay idiay Barangay Catbangen, syudad ti San Fernando, La Union.
Ti nasao a balay ket kukua ti managan Agnes Dimo.
Naammuan ti Bombo Radyo, awan dagiti agnanaed iti nasao a pasdek idi a napasamak ti uram.
Immuna a nagtitinnulong dagiti agkakaarruba a nangsebseb iti apoy sakbay a nakasangpet dagiti bumbero.
Agamapan wenno bassit laeng iti danyos ti balay.
Maipagarup a nangrugi ti apoy iti atep ti nadakamat a pagtaengan.
