LA UNION – Naipasidong iti custodiya ti San Fernando City Police iti maysa a 25-anyos a mister kalpasan nga inarestar dagiti otoridad iti insayangkat da a search operation iti pagtaengan daytoy.
Maibasar iti report, agarop alas 11:00 idi rabii, ni-raid dagiti otoridad iti balay ti subjet person a ni Edmar de Guzman, addaan ti asawa, residente ti Barangay Tanquigan, San Fernando City, La Union.
Maiyannurot daytoy iti search warrant nga impaulod ni MTCC1 Judge Imelda Cosalan ditoy syudad,
Nakumpiskar dagiti otoridad manipud iti suspek iti 2 a homemade caliber 22 rifle ken 3 a bala para iti 38 a kalibre ti paltog.
Iti suspek ket sumangsango ita ti kaso a panaglabsing iti R.A. 10591.
