Nauram ti maysa a pagtaengan idiay Barangay Sta. Rita, Bacnotan, La Union.
Kukua daytoy ti managan Estrella Oloteo, residente ti nasao a lugar.
Nupay kasta, dagus met laeng a nasebseban ti apoy iti uneg ti 30 minuto babaen kadagiti kameng ti BFP Luna ken BFP Balaoan.
Segun kenni Fire Insp. Juvenal Pormacion, acting fire marshall ti BFP Bacnotan, kinuna na a naamuanda ti nasao a pasamak idi adda immawag kadakuda.
Kabayatan na, nagasat nga awan ti nadangran iti nasao nga uram no sadino ti balay ket naaramid iti light materials ken tawen 1980 pay a naipatakder.
Short circuit met ti makitkita dagiti bombero a rason ti uram.
